Em maguette ma chèvre

J’avois, deins l’temps, enn’ tchiot’ maguette. J’

Al m’obéissoit à l’baguette.

Jèl l’avois baptisée Nanette.

Al couchoit deins enn’ bell‘ manette

Fabriquée aveuc dèl pleumette

Et pi des platur’ d’alleumette.

Quand il étoit l’heur’ dèl dinette

Ej j’ois un air su m’clarinette ,

Ej mettois à boir’ deins m’malette,

J’y glichois meum’ enn’ gross’ galette

Qu’èj donnois à m’bell’ tchiot’ cabrette ;

Al sautoit comm’ enn’ jonn’ soubrette.

Quant’ à m’voyioit preinn’ èm brouette

Al faisoit vit’ meint l’perlouette,

A’ s’dépèchoit d’fair’ ès carnette

Pi dès passer s’langu’ su s’binette.

A sin co j’li peindois s’burette.

Su l’temps qu’ j’alleumois m’cigarette,

Al s’erlèquoit su s’grann’ barbette

Pi nos partins feuquer d’l’herbette.

Al bêloit comm’ enn ‘ vraie coquette.

Ein faisant baloncher s’cloquette

Ed su c’catchieu, à l’mon Mouchette.

C’est là qu’al étoit nos muchette !

A min côté al mettoit s’tête ;

A ces monmeints là c’étoit fête !

Ej n’avois pu b’son dèm sa-iette

Pass tant qu’i n’ein restoit enn’ miette,

A’ s’régaloit m’pauv » tchiot Nanette !

Pou l’heur’, al est morte èm maguette !